ടാക്സി ചിലവ് കുറയ്ക്കാം; ദുബായ് ബസ് യാത്ര ‘പ്രോ’ ആകാൻ ഇതാ 8 ടിപ്സുകൾ

ദുബായ് നഗരത്തിൽ ടാക്സികളെ മാത്രം ആശ്രയിക്കുന്നത് കീശ ചോർത്തുന്ന കാര്യമാണ്. ട്രാഫിക് ബ്ലോക്കുകളിൽ കുടുങ്ങാതെയും പണം ലാഭിച്ചും യാത്ര ചെയ്യാൻ ദുബായിലെ ബസ് ശൃംഖല മികച്ചതാണ്. ദുബായ് ബസ് സർവീസുകളെക്കുറിച്ച് നിങ്ങൾ അറിഞ്ഞിരിക്കേണ്ട പ്രധാന കാര്യങ്ങൾ താഴെ പറയുന്നവ യാണ്:
1) ‘നോൾ’ (nol) കാർഡ് സ്വന്തമാക്കുക :-ദുബായിൽ ബസ്സിൽ കയറണമെങ്കിൽ നോൾ കാർഡ് നിർബന്ധമാണ്. മെട്രോ സ്റ്റേഷനുകളിൽ നിന്ന് 25 ദിർഹത്തിന് സിൽവർ കാർഡ് ലഭിക്കും (ഇതിൽ 19 ദിർഹം ബാലൻസ് ഉണ്ടാകും). യാത്ര ചെയ്യുന്ന സോണുകൾ അനുസ രിച്ചാണ് ചാർജ് ഈടാക്കുക. കുറഞ്ഞത് 7.50 ദിർഹം ബാലൻസ് കാർഡിൽ എപ്പോഴും ഉണ്ടായിരി ക്കണം.
2) 30 മിനിറ്റ് നിയമം സൗജന്യ യാത്ര ചെയ്യാം:- മെട്രോയിൽ നിന്ന് ഇറങ്ങി 30 മിനിറ്റിനുള്ളിൽ ബസ്സിൽ കയറുകയാണെങ്കിൽ ആ ബസ് യാത്ര സൗജന്യമായിരിക്കും. നിങ്ങളുടെ മുഴുവൻ യാത്രയെയും ഒരൊറ്റ ട്രിപ്പായിട്ടാണ് സിസ്റ്റം കണക്കാക്കുക.
3) മറക്കാതെ ‘ടാപ്പ് ഔട്ട്’ ചെയ്യുക
ബസ്സിൽ നിന്ന് ഇറങ്ങുമ്പോൾ കാർഡ് റീഡറിൽ ടാപ്പ് ചെയ്യാൻ മറക്കരുത്. ഇല്ലെങ്കിൽ ആ റൂട്ടിന്റെ അവസാന സ്റ്റോപ്പ് വരെയുള്ള തുക നിങ്ങളുടെ കാർഡിൽ നിന്ന് ഈടാക്കും.
4) മുൻഗണനാ സീറ്റുകൾ
ബസ്സിന്റെ മുൻഭാഗം സ്ത്രീകൾക്കും കുട്ടികൾക്കും ഭിന്നശേഷിക്കാർ ക്കുമായി (People of Determination) സംവരണം ചെയ്തിട്ടുള്ളതാണ്. ഇവർക്ക് ഈ സീറ്റുകളിൽ മുൻഗ ണന ലഭിക്കും.
5) എയർപോർട്ട് സർവീസുകൾ
എയർപോർട്ട് ടാക്സികളുടെ അധിക ചാർജ് ഒഴിവാക്കാൻ ബസ്സു കളെ ആശ്രയിക്കാം.
* ടെർമിനൽ 3: C01, N30
* ടെർമിനൽ 2: 13B, 20A, 43, C26, N30
* ടെർമിനൽ 1: 24
അബുദാബി സായിദ് ഇന്റർനാഷണൽ എയർപോർട്ടിൽ നിന്ന് ദുബായ് ഇബ്നു ബത്തൂത്ത സ്റ്റേഷനിലേക്ക് 35 ദിർഹത്തിന് ഷട്ടിൽ സർവീസുകളും ലഭ്യമാണ്.
6) പ്രധാന വിനോദസഞ്ചാര കേന്ദ്രങ്ങളിലേക്ക് :-
മാൾ ഓഫ് ദി എമിറേറ്റ്സ്, ഗ്ലോബൽ വില്ലേജ്, ബ്ലൂവാട്ടേഴ്‌സ് ഐലൻഡ്, ഗോൾഡ് സൂഖ്, ഹത്ത തുടങ്ങിയ പ്രധാന സ്ഥലങ്ങളിലേക്കെല്ലാം കുറഞ്ഞ ചിലവിൽ ബസ് മാർഗ്ഗം എത്താം.
7) അന്തർസംസ്ഥാന സർവീസുകൾ (Intercity)
ദുബായിൽ നിന്ന് അബുദാബി (E100, E101, E102), അജ്മാൻ, ഫുജൈറ, ഷാർജ തുടങ്ങിയ മറ്റ് എമിറേറ്റുകളിലേക്ക് സ്ഥിരമായി ബസ് സർവീസുകൾ ലഭ്യമാണ്.
8) ‘ബസ് ഓൺ ഡിമാൻഡ്’ (Bus-on-Demand)
ടാക്സിയേക്കാൾ കുറഞ്ഞ ചിലവിലും സാധാരണ ബസ്സിനേ ക്കാൾ വേഗത്തിലും യാത്ര ചെയ്യാൻ ‘Dubai Bus-on-Demand’ ആപ്പ് ഉപയോഗിക്കാം. ബിസിനസ് ബേ, ഡൗൺടൗൺ, അൽ ബർഷ തുടങ്ങി 13 ഓളം കേന്ദ്രങ്ങളിൽ ഈ സർവീസ് ലഭ്യമാണ്.