പുതുവത്സരാഘോഷത്തിന് സർവ്വസജ്ജമായി ദുബായ്; മുൻ ഒരുക്കങ്ങൾ, കരിമരുന്ന് പ്രയോഗം, ഗതാഗത നിയന്ത്രണം എന്നിവയെക്കുറിച്ചറിയാം

ദുബായ് : -പുതുവത്സരാഘോഷ ത്തിന് സർവ്വസജ്ജമായി ദുബായ്; മുൻ ഒരുക്കങ്ങൾ, കരിമരുന്ന് പ്രയോഗം, ഗതാഗത നിയന്ത്രണം എന്നിവയെക്കുറിച്ചറിയാം.2026-നെ വരവേൽക്കാൻ ലോകോത്തര നിലവാരത്തിലുള്ള സുരക്ഷാ-സൗകര്യങ്ങളുമായി ദുബായ് ഒരുങ്ങി. ബുർജ് ഖലീഫ ഉൾപ്പെടെ എമിറേറ്റിലെ 40 കേന്ദ്രങ്ങളിലായി 48 ഇടങ്ങളിൽ വൻതോതിലുള്ള കരിമരുന്ന് പ്രയോഗങ്ങൾ നടക്കും. ആഘോഷങ്ങൾ സുരക്ഷിതമായി പൂർത്തിയാക്കാൻ 55 സർക്കാർ-സ്വകാര്യ സ്ഥാപനങ്ങൾ സംയുക്ത മായാണ് പ്രവർത്തിക്കുന്നത്.
സുരക്ഷാ സന്നാഹങ്ങൾ
ദുബായ് പോലീസിന്റെ 10,000 ഓഫീസർമാർ, 1,600 പെട്രോൾ വാഹനങ്ങൾ, 53 ബോട്ടുകൾ എന്നിവ ആഘോഷവേളയിൽ സുരക്ഷയൊരുക്കും. എമിറേറ്റിനെ നോർത്ത്, സെൻട്രൽ, വെസ്റ്റ്, മറൈൻ എന്നിങ്ങനെ നാല് മേഖല കളായി തിരിച്ചാണ് ഏകോപനം. അടിയന്തര സാഹചര്യ ങ്ങളിൽ 999 എന്ന നമ്പറിലും അല്ലാത്തവയ്ക്ക് 901 എന്ന നമ്പറിലും ബന്ധപ്പെടാം. സിവിൽ ഡിഫൻസ് വിഭാഗം 1,750 അഗ്നിശമന സേനാംഗങ്ങളെയും സജ്ജമാക്കിയിട്ടുണ്ട്.
ഗതാഗത നിയന്ത്രണങ്ങൾ (RTA)
തിരക്ക് നിയന്ത്രിക്കുന്നതിന്റെ ഭാഗമായി ഡിസംബർ 31 വൈകുന്നേരം 4 മണി മുതൽ ഘട്ടംഘട്ടമായി റോഡുകൾ അടച്ചുതുടങ്ങും.
* റോഡ് നിയന്ത്രണം: മുഹമ്മദ് ബിൻ റാഷിദ് ബൊളിവാർഡ്, അൽ അസായൽ സ്ട്രീറ്റ്, ഷെയ്ഖ് സായദ് റോഡ് ഉൾപ്പെടെയുള്ള പ്രധാന പാതകളിൽ നിയന്ത്രണമുണ്ടാകും.
* മെട്രോയും ട്രാമും: ദുബായ് മെട്രോ റെഡ്, ഗ്രീൻ ലൈനുകളും ട്രാമും തുടർച്ചയായി 43 മണിക്കൂർ സർവീസ് നടത്തും.
* മറ്റ് സർവീസുകൾ: 14,000 ടാക്സികൾ, 18,000 ലിമോസിനുകൾ, 1,300 ബസുകൾ എന്നിവ പൊതുജനങ്ങൾക്കായി ലഭ്യമാക്കും.
ആരോഗ്യ സേവനങ്ങൾ
ദുബായ് ഹെൽത്ത് 1,900 മെഡിക്കൽ സ്റ്റാഫിനെ വിന്യസിച്ചു. ബുർജ് ഖലീഫയ്ക്ക് സമീപം പീഡിയാട്രിക് കെയർ അടക്കമുള്ള ഫീൽഡ് ഹോസ്പിറ്റൽ സജ്ജമാ ക്കിയിട്ടുണ്ട്. ആംബുലൻസ് ആവശ്യങ്ങൾക്കായി 998 എന്ന നമ്പറോ ദുബായ് ആംബുലൻസ് ആപ്പോ ഉപയോഗിക്കാം.
പ്രത്യേകതകൾ
* കുടുംബങ്ങൾക്കായി ബീച്ചുകൾ: പുതുവത്സര രാവിൽ പൊതു ബീച്ചുകൾ കുടുംബങ്ങൾക്കായി മാത്രമായി മാറ്റിവെച്ചു.
* പാർക്കുകൾ: 14 പബ്ലിക് പാർക്കുകൾ പുലർച്ചെ 1 മണി വരെ പ്രവർത്തിക്കും.
* ദുബായ് ഫ്രെയിം: ചരിത്രത്തിലാദ്യമായി ദുബായ് ഫ്രെയിമിൽ കരിമരുന്ന് പ്രയോഗവും ഡ്രോൺ ഷോയും നടക്കും.
* തൊഴിലാളികൾക്കായി: തൊഴിലാളികൾക്ക് ആഘോഷങ്ങൾ കാണുന്നതിനായി വലിയ സ്ക്രീനുകളും ഭക്ഷണവും ഉൾപ്പെടുന്ന പ്രത്യേക മേഖലകൾ ഒരുക്കിയിട്ടുണ്ട്.
ഷെയ്ഖ് മുഹമ്മദ് ബിൻ റാഷിദ് അൽ മക്തൂമിന്റെയും ഷെയ്ഖ് ഹംദാൻ ബിൻ മുഹമ്മദ് ബിൻ റാഷിദ് അൽ മക്തൂമിന്റെയും കവിതകൾ കോർത്തിണക്കിയ ‘ഫിഹോബി ദുബായ്’ (ദുബായിയോ ടുള്ള സ്നേഹത്തിൽ) എന്ന പ്രത്യേക പരിപാടി ദുബായ് മീഡിയ ഇൻകോർപ്പറേഷൻ സംപ്രേക്ഷണം ചെയ്യും.