യുഎഇയിൽ കനത്ത ജാഗ്രത തുടരുന്നു; വിനോദസഞ്ചാര കേന്ദ്രങ്ങൾ അടച്ചു

ദുബായ്: യുഎഇയിലെ നിലവിലെ സാഹചര്യങ്ങൾ കണക്കിലെടുത്ത് മുൻകരുതൽ നടപടിയുടെ ഭാഗമായി ദുബായിലെ പ്രമുഖ വിനോദസഞ്ചാര കേന്ദ്രങ്ങൾ താൽക്കാലികമായി അടച്ചുപൂട്ടി. സന്ദർശകരുടെയും ജീവനക്കാ രുടെയും സുരക്ഷ ഉറപ്പാക്കുന്ന തിന്റെ ഭാഗമായി മാർച്ച് 2 തിങ്കൾ, മാർച്ച് 3 ചൊവ്വ ദിവസങ്ങളി ലായാണ് പ്രധാന കേന്ദ്രങ്ങൾ അടച്ചിടുന്നതായി അധികൃതർ അറിയിച്ചത്.
അടച്ചിട്ട പ്രധാന കേന്ദ്രങ്ങളും നിലവിലെ മാറ്റങ്ങളും താഴെ പറയുന്നവയാണ്:
1.ഐൻ ദുബായ് (Ain Dubai)
ലോകത്തിലെ ഏറ്റവും വലിയ നിരീക്ഷണ ചക്രമായ ഐൻ ദുബായ് മാർച്ച് 3 ചൊവ്വ, മാർച്ച് 4 ബുധൻ ദിവസങ്ങളിൽ പ്രവർത്തി ക്കില്ല. വരും ദിവസങ്ങളിൽ സന്ദർശനത്തിനായി ടിക്കറ്റ് ബുക്ക് ചെയ്തവർ ഔദ്യോഗിക വെബ്‌സൈറ്റ് (aindubai.com) പരിശോധിച്ച് വിവരങ്ങൾ ഉറപ്പുവരു ത്തണമെന്ന് അധികൃതർ നിർദ്ദേശിച്ചു.
2.ദുബായ് പാർക്സ് ആൻഡ് റിസോർട്ട്സ് (Dubai Parks and Resorts)
മോഷൻഗേറ്റ്, ലെഗോലാൻഡ്, റിയൽ മാഡ്രിഡ് വേൾഡ്, റിവർ ലാൻഡ് എന്നിവയുൾപ്പെടുന്ന ദുബായ് പാർക്സ് ആൻഡ് റിസോർട്ട്സ് മാർച്ച് 3, 4 തീയതി കളിൽ അടച്ചിടും. ഔദ്യോഗിക നിർദ്ദേശപ്രകാരം മുൻകരുതൽ നടപടിയായാണ് പാർക്കുകൾ അടച്ചിടുന്നതെന്ന് മാനേജ്‌മെന്റ് ഇൻസ്റ്റാഗ്രാമിലൂടെ അറിയിച്ചു. (dubaiparksandresorts.com)
3.ഗ്ലോബൽ വില്ലേജ് (Global Village)
മാർച്ച് 1 ഞായറാഴ്ച ആരംഭിച്ച നിയന്ത്രണം മാർച്ച് 3 ചൊവ്വ വരെ നീട്ടിയിട്ടുണ്ട്. സുരക്ഷാ നടപടിക ളുടെ ഭാഗമായി ചൊവ്വാഴ്ച ഗ്ലോബൽ വില്ലേജ് പ്രവർത്തിക്കില്ല. വീണ്ടും തുറക്കുന്ന തീയതി സംബ ന്ധിച്ച വിവരങ്ങൾ വെബ്‌സൈറ്റി ലൂടെയും (globalvillage.ae) സോഷ്യൽ മീഡിയ പേജുകളി ലൂടെയും അറിയിക്കുന്നതാണ്.
4.ദുബായ് ഫെസ്റ്റിവൽ സിറ്റി മാൾ (Dubai Festival City Mall)
മാളിലെ വ്യാപാര സ്ഥാപനങ്ങളും റെസ്റ്റോറന്റുകളും പതിവുപോലെ പ്രവർത്തിക്കും. രാത്രിയിലെ ജല-പ്രകാശ ഷോയും (Water and Light show) മാറ്റമില്ലാതെ തുടരും. (dubaifestivalcitymall.com), റമദാൻ ആഘോഷ ങ്ങളുടെ ഭാഗമായി നടത്തിയിരുന്ന ഡ്രോൺ ഷോ അടുത്ത അറിയിപ്പ് ഉണ്ടാകുന്നത് വരെ താൽക്കാലി കമായി നിർത്തിവെച്ചു.
> ശ്രദ്ധിക്കുക: സന്ദർശകർ യാത്ര തിരിക്കുന്നതിന് മുൻപ് അതത് കേന്ദ്രങ്ങളുടെ ഔദ്യോഗിക വെബ്‌ സൈറ്റുകൾ സന്ദർശിച്ച് ഏറ്റവും പുതിയ വിവരങ്ങൾ അറിയേ ണ്ടതാണ്.