കാലാവധി കഴിഞ്ഞ താമസ രേഖയുള്ളവർക്കും യുഎഇയിലേക്ക് മടങ്ങാം: പുതിയ ഇളവുകളുമായി ഐ.സി.പി

ദുബായ്:-കാലാവധി കഴിഞ്ഞ താമസരേഖയുള്ളവർക്കും യുഎഇയിലേക്ക് മടങ്ങാം: പുതിയ ഇളവുകളുമായി ഐ.സി.പി.മേഖല യിലെ നിലവിലെ സാഹചര്യങ്ങൾ കണക്കിലെടുത്ത് വിദേശത്തുള്ള പ്രവാസികൾക്കായി യുഎഇ ഫെഡറൽ അതോറിറ്റി ഫോർ ഐഡന്റിറ്റി, സിറ്റിസൺഷിപ്പ്, കസ്റ്റംസ് ആൻഡ് പോർട്ട് സെക്യൂരിറ്റി (ICP) പ്രത്യേക ഇളവുകൾ പ്രഖ്യാപിച്ചു.
പ്രധാന വിവരങ്ങൾ:
* ഇളവ് ആർക്കൊക്കെ?: താമസാനുമതി (Residency Permit) കാലാവധി കഴിഞ്ഞിട്ടും വിമാന സർവീസുകൾ മുടങ്ങിയത് കാരണം യുഎഇയിൽ തിരിച്ചെത്താൻ കഴിയാത്തവർക്ക്.
* കാലയളവ്: 2026 ഫെബ്രുവരി 28 ശനിയാഴ്ച മുതൽ മാർച്ച് 31 ചൊവ്വാഴ്ച വരെ ഈ ആനുകൂല്യം ലഭ്യമാകും.
* പ്രത്യേകത: പുതിയ എൻട്രി പെർമിറ്റിന് അപേക്ഷിക്കാതെ തന്നെ ഇവർക്ക് രാജ്യത്തേക്ക് മടങ്ങാം.
പശ്ചാത്തലം
വ്യോമപാതകൾ അടച്ചതും വിമാന സർവീസുകൾ താൽക്കാലികമായി നിർത്തിവെച്ചതും കാരണം നിരവധി പ്രവാസികളാണ് വിദേശ രാജ്യങ്ങളിൽ കുടുങ്ങിക്കിട ക്കുന്നത്. ദുബായ് അന്താരാഷ്ട്ര വിമാനത്താവളം ഉൾപ്പെടെ പരിമിതമായ സർവീസുകൾ മാത്രമാണ് നിലവിൽ നടത്തുന്നത്. എമിറേറ്റ്സ്, ഫ്ലൈ ദുബായ് തുടങ്ങിയ വിമാനക്കമ്പനികൾ ഉടൻ തന്നെ പൂർണ്ണതോതിൽ പ്രവർത്തനം പുനരാരംഭിക്കാനുള്ള ശ്രമത്തിലാണ്. “മേഖലയിലെ അപ്രതീക്ഷിത സാഹചര്യങ്ങൾ കാരണം മടങ്ങിവരാൻ കഴിയാത്ത പ്രവാസികളെ സഹായിക്കാനാണ് ഈ തീരുമാനം. ഒരു മാസത്തേക്ക് പുതിയ എൻട്രി പെർമിറ്റുകൾ ഇല്ലാതെ തന്നെ ഇവർക്ക് യുഎഇയിൽ പ്രവേശിക്കാം.” – ഐ.സി.പി അധികൃതർ അറിയിച്ചു. ശ്രദ്ധിക്കുക :- നിലവിലെ സാഹചര്യം കണക്കിലെടുത്ത് ഐ.സി പി യുമായി ബന്ധപ്പെട്ടതിനു ശേഷം മാത്രം യാത്രക്ക് ഒരുങ്ങുക.