ദുബായ് ഡിസ്കവറി ഗാർഡൻസിൽ പുതിയ പാർക്കിംഗ് പരിഷ്കാരം നിലവിൽ വന്നു

ദുബായ്: ഡിസ്കവറി ഗാർഡൻസ് നിവാസികൾക്ക് ഇനി പാർക്കിംഗി നായി കൃത്യമായ പ്ലാനിംഗ് ആവശ്യമാണ്. കമ്മ്യൂണിറ്റിയിൽ ഔദ്യോഗികമായി പെയ്ഡ് പാർക്കിംഗ് സംവിധാനം നിലവിൽ വന്നു. 2026 ജനുവരി 15, വ്യാഴാഴ്ച മുതലാണ് പുതിയ മാറ്റങ്ങൾ പ്രാബല്യത്തിൽ വന്നതെന്ന് ദുബായ് ഹോൾഡിംഗ് കമ്മ്യൂണിറ്റി മാനേജ്‌മെന്റ് അറിയിച്ചു. പാർക്കോണിക് (Parkonic) എന്ന പാർക്കിംഗ് പ്രൊവൈഡർക്കാണ് ഇതിന്റെ മേൽനോട്ട ചുമതല.
സ്വന്തമായി പാർക്കിംഗ് സൗകര്യമി ല്ലാത്ത കെട്ടിടങ്ങളിലെ പാർക്കിംഗ് തിരക്ക് നിയന്ത്രിക്കാനും കൂടുതൽ സുരക്ഷിതമാക്കാനുമാണ് ഈ നീക്കം.
താമസക്കാർ അറിഞ്ഞിരിക്കേണ്ട പ്രധാന കാര്യങ്ങൾ:
* സൗജന്യ പെർമിറ്റ്: യോഗ്യമായ ഓരോ റെസിഡൻഷ്യൽ യൂണിറ്റിനും (ഫ്ലാറ്റിനും) ഒരു സൗജന്യ പാർക്കിംഗ് പെർമിറ്റ് ലഭിക്കും.
* അധിക വാഹനങ്ങൾ: ഒന്നിലധികം വാഹനങ്ങൾ ഉപയോഗിക്കുന്നവർ അധികമുള്ള കാറുകൾക്കായി പണമടച്ച് സബ്‌സ്‌ക്രിപ്‌ഷൻ എടുക്കേ ണ്ടതുണ്ട്.
* രജിസ്ട്രേഷൻ: പാർക്കോണിക് ടെനന്റ് രജിസ്ട്രേഷൻ പോർട്ടൽ വഴി വേണം പെർമിറ്റിന് അപേക്ഷി ക്കാൻ. 2025 ഡിസംബർ 24 മുതൽ അപേക്ഷകൾ സ്വീകരിച്ചു തുടങ്ങി യിട്ടുണ്ട്.
* പെയ്ഡ് സബ്‌സ്‌ക്രിപ്‌ഷൻ: അധിക പെർമിറ്റുകൾക്കായുള്ള പണമടച്ചുള്ള സേവനം ജനുവരി 9 മുതൽ പാർക്കോണിക് വെബ്സൈ റ്റിലോ ആപ്പിലോ ലഭ്യമാണ്.
ശ്രദ്ധിക്കുക: ഇൻഡിവിജ്വൽ ഡ്രൈവർമാർക്ക് പകരം രജിസ്റ്റർ ചെയ്ത റെസിഡൻഷ്യൽ യൂണിറ്റുകളുടെ അടിസ്ഥാന ത്തിലാണ് പെർമിറ്റുകൾ അനുവദിക്കുന്നത്.പെർമിറ്റോ സബ്‌സ്‌ക്രിപ്‌ഷനോ ഇല്ലാതെ പാർക്ക് ചെയ്യുന്ന വാഹനങ്ങൾക്ക് പിഴ ഈടാക്കു മെന്ന് അധികൃതർ മുന്നറിയിപ്പ് നൽകിയിട്ടുണ്ട്. അതിനാൽ ഡിസ്കവറി ഗാർഡൻ സിൽ താമസി ക്കുന്നവർ പിഴ ഒഴിവാക്കാൻ എത്രയും വേഗം രജിസ്ട്രേഷൻ നടപടികൾ പൂർത്തിയാക്കേണ്ടതാണ്.അനിയന്ത്രിതമായ പാർക്കിംഗ് മൂലമുണ്ടാ കുന്ന തിരക്ക് കുറയ്ക്കാനും പാർക്കിംഗ് സൗകര്യം എല്ലാവർക്കും എളുപ്പ ത്തിൽലഭ്യമാക്കാനും പുതിയ  സംവിധാനം സഹായിക്കു മെന്ന് കമ്മ്യൂണിറ്റി മാനേജ്‌മെന്റ് വ്യക്തമാക്കി.