ദുബായിലേക്കുള്ള വിമാന സർവീസുകളിൽ നിയന്ത്രണം; പ്രമുഖ വിമാന കമ്പനികളുടെ പുതുക്കിയ സമയവിവരങ്ങൾ അറിയാം

ദുബായ്: – പ്രാദേശിക സാഹചര്യ ങ്ങളെത്തുടർന്ന് ദുബായ് അന്താ രാഷ്ട്ര വിമാനത്താവളത്തിൽ (DXB) വിമാന സർവീസുകൾക്ക് ഏർപ്പെടുത്തിരുന്ന നിയന്ത്രണം തുടരുന്നു. എമിറേറ്റ്സ് ഉടൻ തന്നെ പൂർണ്ണതോതിൽ പ്രവർത്തനം പുനരാരംഭിക്കാൻ ഒരുങ്ങുമ്പോൾ, ഫ്ലൈ ദുബായ് പരിമിതമായ സർവീ സുകളാണ് നടത്തുന്നത്. വിദേശ വിമാനക്കമ്പനികൾക്ക് മെയ് 31 വരെ ദുബായ്, അൽ മക്തൂം വിമാനത്താവളങ്ങളിലേക്ക് പ്രതിദിനം ഒരു സർവീസ് മാത്രമേ അനുവദിക്കൂ എന്ന് റോയിട്ടേഴ്‌സ് റിപ്പോർട്ട് ചെയ്യുന്നു.
പ്രധാന വിമാനക്കമ്പനികളുടെ പുതുക്കിയ അറിയിപ്പുകൾ താഴെ നൽകുന്നു:
ഇന്ത്യൻ വിമാനക്കമ്പനികൾ
*എയർ ഇന്ത്യ & എയർ ഇന്ത്യ എക്സ്പ്രസ്: ദുബായിലേക്കും തിരിച്ചും പ്രത്യേക സർവീസുകൾ (Ad-hoc) ആരംഭിച്ചു. യാത്രക്കാർക്ക് അധിക ചിലവില്ലാതെ ടിക്കറ്റ് മാറ്റാനോ റീഫണ്ട് വാങ്ങാനോ സൗകര്യമുണ്ട്.
*ഇൻഡിഗോ: തിരഞ്ഞെടുത്ത റൂട്ടുകളിൽ സർവീസ് തുടരുന്നു. യാത്രയ്ക്ക് മുൻപായി വിമാന ത്തിന്റെ സ്ഥിതി പരിശോധിക്കാൻ കമ്പനി നിർദ്ദേശിച്ചു.
യൂറോപ്യൻ വിമാനക്കമ്പനികൾ
*എയർ ഫ്രാൻസ്: മെയ് 3 വരെ സർവീസുകൾ നിർത്തിവെച്ചു. മെയ് 4-ലെ ദുബായ് ഫ്ലൈറ്റും റദ്ദാക്കി.
*ബ്രിട്ടീഷ് എയർവേയ്‌സ്: മെയ് 31 വരെയുള്ള എല്ലാ ദുബായ് സർവീ സുകളും റദ്ദാക്കി. ഒക്ടോബർ 31 വരെയുള്ള ടിക്കറ്റുകൾക്ക് റീഫണ്ട് ലഭിക്കും.
*കെഎൽഎം (KLM): ജൂൺ 14 വരെ ദുബായിലേക്ക് സർവീസ് ഉണ്ടായിരിക്കില്ല. ടിക്കറ്റുകൾ സൗജന്യമായി മാറ്റുകയോ റീഫണ്ട് എടുക്കുകയോ ചെയ്യാം.
*ലുഫ്താൻസ ഗ്രൂപ്പ്:  ലുഫ്താൻസ, സ്വിസ് തുടങ്ങിയ വിമാനങ്ങൾ ജൂലൈ 11 വരെയും, യൂറോവിംഗ്സ് ഒക്ടോബർ 24 വരെയും സർവീ സുകൾ നിർത്തിവെച്ചു.
മറ്റ് പ്രമുഖ എയർലൈനുകൾ
*ഖത്തർ എയർവേയ്‌സ്:  ജൂൺ 16 മുതൽ ദോഹ-ദുബായ് സർവീ സുകൾ പുനരാരംഭിക്കും. സെപ്റ്റം ബർ 15 വരെയുള്ള ടിക്കറ്റുകളിൽ രണ്ട് തവണ സൗജന്യ മാറ്റം അനുവദിക്കും.
*സിംഗപ്പൂർ എയർലൈൻസ്: മെയ് 31 വരെയുള്ള ദുബായ് സർവീ സുകൾ റദ്ദാക്കി.
*ടർക്കിഷ് എയർലൈൻസ്: മെയ് 31 വരെയുള്ള ടിക്കറ്റുകൾ ബുക്ക് ചെയ്തവർക്ക് ജൂലൈ 10 വരെ പിഴയില്ലാതെ മാറ്റങ്ങൾ വരുത്താം.
*യുണൈറ്റഡ് എയർലൈൻസ്: സെപ്റ്റംബർ 7 വരെ സർവീസു കളിൽ മാറ്റമുണ്ടാകും. യാത്രാ തീയതി മാറ്റുന്നവർക്ക് ഇളവുകൾ നൽകും.
*ഫിലിപ്പീൻ എയർലൈൻസ്: മനില-ദുബായ് സർവീസ് ഏപ്രിൽ 30 വരെ താൽക്കാലികമായി നിർത്തിവെച്ചു.
യാത്രക്കാർ ശ്രദ്ധിക്കാൻ: വിമാനത്താവളത്തിലേക്ക് പുറപ്പെ ടുന്നതിന് മുൻപായി നിങ്ങളുടെ വിമാനത്തിന്റെ ഏറ്റവും പുതിയ വിവരങ്ങൾ അതത് വിമാനക്കമ്പ നികളുടെ വെബ്സൈറ്റ് വഴിയോ ആപ്പുകൾ വഴിയോ പരിശോധി ക്കേണ്ടതാണ്.