യുഎഇയിൽ നഴ്സറികൾ തുറക്കുന്നു; സ്കൂൾ, സർവകലാശാലാ പഠനരീതികളിൽ നാളെ (ബുധനാഴ്ച) തീരുമാനമുണ്ടാകും

അബുദാബി: യുഎഇയിൽ നഴ്സ റികൾ ഘട്ടംഘട്ടമായി നേരിട്ടുള്ള അധ്യയനത്തിലേക്ക് മടങ്ങുന്നു. ഈ ആഴ്ച മുതൽ ചില നഴ്സറികൾ തുറന്നുപ്രവർത്തിക്കാൻ അനുമതി നൽകിയതായി വിദ്യാഭ്യാസ, മാനവ വിഭവശേഷി, സാമൂഹിക വികസന കൗൺസിൽ അറിയിച്ചു. സ്കൂളുകളിലെയും ഉന്നത വിദ്യാഭ്യാസ സ്ഥാപനങ്ങളിലെയും പഠനരീതികൾ സംബന്ധിച്ച ഔദ്യോ ഗിക പ്രഖ്യാപനം നാളെ (ബുധ നാഴ്ച ഏപ്രിൽ 15) വിദ്യാഭ്യാസ മന്ത്രാലയം പുറത്തുവിടും.
വിദ്യാർത്ഥികളുടെയും ജീവനക്കാ രുടെയും സുരക്ഷ ഉറപ്പാക്കുന്നതി നൊപ്പം വിദ്യാഭ്യാസ പ്രക്രിയ തടസ്സ മില്ലാതെ മുന്നോട്ട് കൊണ്ടുപോകാ നാണ് ഘട്ടംഘട്ടമായുള്ള ഈ തിരിച്ചുവരവ് ലക്ഷ്യമിടുന്നത്. കൃത്യമായ ആസൂത്രണത്തിന്റെയും സുരക്ഷാ വിലയിരുത്തലുക ളുടെയും അടിസ്ഥാനത്തിലാണ് ഈ തീരുമാനമെന്ന് അധികൃതർ വ്യക്തമാക്കി.
പ്രധാന വിവരങ്ങൾ:
*നഴ്സറികളുടെ പ്രവർത്തനം: സർക്കാർ സ്ഥാപനങ്ങളിലും വാണിജ്യ കെട്ടിടങ്ങളിലും പ്രവർ ത്തിക്കുന്ന നഴ്സറികൾക്കാണ് ആദ്യഘട്ടത്തിൽ തുറക്കാൻ അനുമതി. മറ്റ് നഴ്സറികൾ അംഗീകൃത മാനദണ്ഡങ്ങൾ പാലിച്ച് ഹോം ബേസ്ഡ് ചൈൽഡ് കെയർ സേവനങ്ങൾ നൽകണം.
*പരിശീലന പരിപാടി:  അടിയന്തര സാഹചര്യങ്ങൾ നേരിടുന്നതിനായി നഴ്സറികൾ, സ്കൂളുകൾ, സർവ കലാശാലകൾ എന്നിവിടങ്ങളിലെ ജീവനക്കാർക്ക് പ്രത്യേക പരിശീലനം നൽകും. സുരക്ഷാ പ്രോട്ടോക്കോളുകൾ, ഒഴിപ്പിക്കൽ പദ്ധതികൾ, മാനസിക പിന്തുണ എന്നിവ ഇതിൽ ഉൾപ്പെടുന്നു.
*ഫീൽഡ് പരിശോധന: വിദ്യാഭ്യാസ സ്ഥാപനങ്ങളുടെ സന്നദ്ധത വിലയി രുത്തുന്നതിനായി മന്ത്രാലയങ്ങളിൽ നിന്നുള്ള ഉദ്യോഗസ്ഥർ നേരിട്ട് സന്ദർശനം നടത്തി റിപ്പോർട്ട് സമർപ്പിക്കും.
*ഏകീകൃത മാർഗനിർദ്ദേശങ്ങൾ: സാഹചര്യങ്ങൾക്കനുസരിച്ച് പഠനരീതികളിൽ മാറ്റം വരുത്താൻ സാധിക്കുന്ന തരത്തിൽ പൊതു-സ്വകാര്യ സ്ഥാപനങ്ങൾക്കായി ഏകീകൃത മാർഗനിർദ്ദേശങ്ങൾ തയ്യാറാക്കി വരികയാണ്.
സ്കൂളുകൾക്കും നഴ്സറികൾക്കു മുള്ള സുരക്ഷാ ചട്ടക്കൂട് വിദ്യാഭ്യാസ മന്ത്രാലയവും (MoE), ഉന്നത വിദ്യാഭ്യാസ സ്ഥാപനങ്ങളുടെ മേൽനോട്ടം ഉന്നത വിദ്യാഭ്യാസ ശാസ്ത്ര ഗവേഷണ മന്ത്രാലയ വുമാണ് നിർവഹിക്കുന്നത്. നിലവിലെ സാഹചര്യങ്ങൾ നിരന്തരം വിലയിരുത്തിക്കൊണ്ട് ആവശ്യമായ തീരുമാനങ്ങൾ സമയബന്ധിതമായി കൈക്കൊള്ളു മെന്നും അധികൃതർ അറിയിച്ചു.