അബുദാബി :- വാനനിരീക്ഷകരെ ആവേശത്തിലാക്കിക്കൊണ്ട് ഈ വർഷത്തെ ഏറ്റവും ജനപ്രിയമായ ആകാശക്കാഴ്ചകളിലൊന്നായ പെർസീഡ് ഉൽക്കാവൃഷ്ടി (Perseid Meteor Shower) വീണ്ടും എത്തുന്നു. ഭൂമി ഒരു വാൽനക്ഷത്ര ത്തിന്റെ അവശിഷ്ട പാതയിലൂടെ കടന്നുപോകുമ്പോഴാണ് ഈ പ്രതിഭാസം ഉണ്ടാകുന്നത്. ദൃശ്യമാകുന്ന സമയം: ഓഗസ്റ്റ് മാസം മുഴുവൻ ദുബായ് ആകാശത്ത് ഇവ ദൃശ്യമാകും. അനുയോജ്യമായ സാഹചര്യ ങ്ങളിൽ മണിക്കൂറിൽ 60 മുതൽ 100 വരെ ഉൽക്കകളെ കാണാൻ സാധിക്കും.
ഏറ്റവും മികച്ച സമയം: ഓഗസ്റ്റ് 12 ബുധനാഴ്ചയും ഓഗസ്റ്റ് 13 വ്യാഴാഴ്ചയും ഇടയിലുള്ള രാത്രിയാണ് പെർസീഡ് ഉൽക്കാവൃഷ്ടി കാണാൻ ഏറ്റവും അനുയോജ്യമായ പീക്ക് സമയം. ഉപകരണങ്ങൾ ആവശ്യമുണ്ടോ?: ഇല്ല, ബൈനോ ക്കുലറോ മറ്റ് ഉയർന്ന സാങ്കേതിക ഉപകരണങ്ങളോ ആവശ്യമില്ല. ഇത് നഗ്നനേത്രങ്ങൾ കൊണ്ട് വ്യക്തമായി കാണാൻ സാധിക്കും മികച്ച കാഴ്ചക്ക് :-നഗരത്തിലെ പ്രകാശവെളിച്ചത്തിൽ നിന്ന് മാറി, ഇരുണ്ട പ്രദേശങ്ങളിലേക്ക് (Dark Spots) മാറിനിൽക്കുന്നത് ഉൽക്കാവൃഷ്ടി വ്യക്തമായി കാണാൻ സഹായിക്കും.ദുബായ് അസ്ട്രോണമി ഗ്രൂപ്പിന്റെ നേതൃത്വ ത്തിൽ ഓഗസ്റ്റ് 12 ബുധനാഴ്ച അബുദാബിയിലെ അൽ കതിം മരുഭൂമിയിൽ (Al Katim Desert) പ്രത്യേക നിരീക്ഷണ പരിപാടി സംഘടിപ്പിക്കുന്നുണ്ട്. ഇതിനായുള്ള ടിക്കറ്റുകൾക്ക് 160 ദിർഹം മുതൽ ആരംഭിക്കുന്നു. ഈ ആകാശ വിസ്മയം നേരിൽ കാണാൻ ആഗ്രഹിക്കുന്നവർക്ക് ഈ അവസരം ഉപയോഗപ്പെടുത്താം.
