6 ലക്ഷം രൂപാ ടിക്കറ്റ് നിരക്ക് വരുന്ന സിംഗപ്പൂർ -മലേഷ്യ ആഡംബര ട്രെയിൻ യാത്ര

6 ലക്ഷം രൂപാടിക്കറ്റ് നിരക്കിൽ സിംഗപ്പൂരിൽ നിന്ന് മലേഷ്യയി ലേക്ക് ഒരു ആഡംബര ട്രെയിൻ യാത്ര ആഗ്രഹിക്കുന്നവർക്കായി ‘ഈസ്റ്റേൺ ആൻഡ് ഓറിയന്റൽ എക്സ്പ്രസ്’ ഒരുക്കുന്ന വിസ്മയങ്ങളെക്കുറിച്ച് നിങ്ങൾക്കറിയാൻ ആഗ്രഹം ഉണ്ടോ?എങ്കിൽ തുടർന്ന് വായിക്കു.
ഇത് ഒരു ട്രെയിൻ യാത്രയല്ല. മറിച്ച് ഇതൊരു ‘കൊട്ടാര യാത്രയാണ്. സാധരണയായി സിംഗപ്പൂരിൽ നിന്ന് മലേഷ്യയിലേക്ക് പോകാൻ ബസ്സുകളോ ടാക്സികളോ അതിവേഗ ട്രെയിനുകളോ ആണ് മലയാളികളടക്കമുള്ള സഞ്ചാ രികൾ തിരഞ്ഞെടുക്കാറുള്ളത്. എന്നാൽ വേഗതയേക്കാൾ യാത്രയുടെ ആനന്ദത്തിന് മുൻഗണന നൽകുന്നവർക്കായി ബെൽമണ്ട് (Belmond) ഒരുക്കുന്ന ‘ഈസ്റ്റേൺ ആൻഡ് ഓറിയന്റൽ എക്സ്പ്രസ്’ (Eastern & Oriental Express) തികച്ചും വ്യത്യസ്തമായ ഒരു അനുഭവമാണ്.
യാത്ര ഒരു അനുഭവം
ലക്ഷ്യസ്ഥാനത്ത് എത്ര വേഗത്തിൽ എത്തുന്നു എന്നതിലല്ല, മറിച്ച് യാത്രയുടെ ഓരോ നിമിഷവും ആസ്വദിക്കുക എന്നതാണ് ഈ ആഡംബര ട്രെയിനിന്റെ പ്രത്യേകത. നാല് പകലും മൂന്ന് രാത്രിയും നീണ്ടുനിൽക്കുന്ന ഈ യാത്രയിൽ മലേഷ്യയിലെ ഗെമാസ്, ഈപ്പോ, ബട്ടർവർത്ത് തുടങ്ങി പ്രകൃതിരമണീയമായ സ്ഥലങ്ങളി ലൂടെയാണ് ട്രെയിൻ കടന്നുപോകു ന്നത്.
രാജകീയ ഭക്ഷണവും വിനോദങ്ങളും
പ്രശസ്ത ഷെഫ് ആന്ദ്രേ ചിയാങ് തയ്യാറാക്കുന്ന വിഭവങ്ങളാണ് യാത്രയിലെ പ്രധാന ആകർഷണം. പ്രഭാതഭക്ഷണം, ഉച്ചഭക്ഷണം, വൈകുന്നേരത്തെ ചായ, മൾട്ടി-കോഴ്‌സ് ഡിന്നർ എന്നിവ ഇതിൽ ഉൾപ്പെടുന്നു. യാത്രയ്ക്കിടയിലുള്ള വിനോദങ്ങളും ഒട്ടും കുറവല്ല:
* വൈൽഡ് മലേഷ്യ ട്രിപ്പ്: തമൻ നെഗാരയിലെ ഫോറസ്റ്റ് യോഗ, പെനാങ്ങിലെ പാചക ക്ലാസുകൾ, ഈപ്പോയിലെ പരമ്പരാഗത ഭക്ഷണശാലകളിലൂടെയുള്ള യാത്ര എന്നിവ സഞ്ചാരികൾക്ക് മറക്കാനാവാത്ത അനുഭവമാകും.
* ആഡംബര സൗകര്യങ്ങൾ: ഓരോ ക്യാബിനിലും പ്രത്യേകം ബാത്ത്റൂ മുകളും 24 മണിക്കൂർ സേവനത്തി നായി ബട്ട്‌ലർമാരും ഉണ്ടായിരിക്കും.
* വിനോദ കേന്ദ്രങ്ങൾ: ട്രെയിനിനുള്ളിലെ ബാർ കാറുകൾ, തത്സമയ പിയാനോ സംഗീതം, കരോക്കെ റൂം എന്നിവ യാത്രക്കാർക്ക് ഒത്തുചേരാനുള്ള വേദികളാണ്. കൂടാതെ, വിശ്രമ ത്തിനായി അതിപ്രശസ്ത മായ ‘ഡിയോർ സ്പാ’യും (Dior Spa) സജ്ജീകരിച്ചിട്ടുണ്ട്.
ചിലവ് എത്രയാകും?
ഒരു ലക്ഷ്വറി പാക്കേജ് ആയതു കൊണ്ട് തന്നെ ഇതിന്റെ ടിക്കറ്റ് നിരക്കും അല്പം കൂടുതലാണ്. ഒരാൾക്ക് ഏറ്റവും കുറഞ്ഞ നിരക്ക് വരുന്നത് ഏകദേശം 4,650 യുഎസ് ഡോളറാണ് (ഏകദേശം 5 ലക്ഷം മുതൽ 6 ലക്ഷം വരെ ഇന്ത്യൻ രൂപ). ഭക്ഷണവും താമസവും വിനോദയാത്രകളും ഉൾപ്പെടെയുള്ള ‘ഓൾ ഇൻക്ലൂസീവ്’ പാക്കേജാ ണിത്.ജീവിതത്തിൽ ഒരിക്കലെ ങ്കിലും ആസ്വദിക്കേണ്ട ഒരു ‘ബക്കറ്റ് ലിസ്റ്റ്’ യാത്രയായാണ് സഞ്ചാരികൾ ഈ ആഡംബര ട്രെയിൻ യാത്രയെ വിശേഷിപ്പിക്കുന്നത്.