ഖമിസ് പ്രീമിയർ ലീഗ് – KPL സീസൺ 3: കിരീടം ഡ്രാക്കാരിക്ക്; ഷഫീഖിന് ട്രിപ്പിൾ പുരസ്കാരം

റിയാദ്: -ഖമിസ് പ്രീമിയർ ലീഗ് – KPL സീസൺ 3:കിരീടം ഡ്രാക്കാരിക്ക്; ഷഫീഖിന് ട്രിപ്പിൾ പുരസ്കാരം. അബ്ഹയിലെ അസീർ ക്രിക്കറ്റ് അസോസിയേ ഷൻ്റെ ആഭിമുഖ്യത്തിൽ സംഘടി പ്പിച്ച മൂന്നാമത് ഖമിസ് പ്രീമിയർ ലീഗ് (KPL) സീസൺ 3 ഖമിസ് മുഷയിത്ത് അൽഹദഫ് സ്റ്റേഡിയ ത്തിൽ ഭംഗിയായി സമാപിച്ചു. വാശിയേറിയ ഫൈനലിൽ കിംഗ്സ് 11 ഖമിസിനെ പരാജയപ്പെടുത്തി ഡ്രാക്കാരി ടീം ഖമിസ് പ്രീമിയർ ലീഗ് കിരീടം സ്വന്തമാക്കി.
മൂന്ന് ആഴ്ച നീണ്ടുനിന്ന ടൂർണ മെന്റിൽ 12 ടീമുകളിലായി 156 കളിക്കാർ പങ്കെടുത്തു. ടീം സ്മാഷേ ഴ്സ്, മംഗ്ലൂർ ഫൈറ്റേഴ്സ്, കിംഗ്സ് 11 ഖമിസ്, ഡ്രാക്കാരി എന്നീ ടീമുക ളാണ് സെമിഫൈനലിൽ പ്രവേശിച്ചത്.
ഫൈനൽ വിശേഷങ്ങൾ:
ആദ്യം ബാറ്റ് ചെയ്ത ഡ്രാക്കാരി നാല് വിക്കറ്റ് നഷ്ടത്തിൽ 64 റൺസ് നേടി. മറുപടി ബാറ്റിംഗിന് ഇറങ്ങിയ കിംഗ്സ് 11 ഖമിസിന് 6 വിക്കറ്റ് നഷ്ടത്തിൽ 37 റൺസെടു ക്കാനേ കഴിഞ്ഞുള്ളൂ. ഇതോടെ ഡ്രാക്കാരി കിരീടം ഉറപ്പിച്ചു.
പുരസ്കാരങ്ങൾ:
* മാൻ ഓഫ് ദി മാച്ച്, മാൻ ഓഫ് ദി സീരീസ്, മികച്ച ബൗളർ എന്നീ പുരസ്കാരങ്ങൾ ഡ്രാക്കാരിയുടെ ഷഫീഖ് സ്വന്തമാക്കി.
* മംഗ്ലൂർ ഫൈറ്റേഴ്സിലെ നിസാർ മംഗലാപുരം മികച്ച ഫീൽഡറായി തെരഞ്ഞെടുക്കപ്പെട്ടു.
സമ്മാനദാനം:
ഒന്നാം സ്ഥാനക്കാരായ ഡ്രാക്കാരിക്ക് ലാന ഇന്റർനാഷ ണൽ ഇന്ത്യൻസ്കൂൾ സ്പോൺ സർ ചെയ്ത 6300 റിയാലും ട്രോഫിയും, രണ്ടാം സ്ഥാനക്കാരായ കിംഗ്സ് 11 ഖമിസ് ടീമിന് അബീർ മെഡിക്കൽ ഗ്രൂപ്പ് സ്പോൺസർ ചെയ്ത 4300 റിയാൽ ക്യാഷ് പ്രൈസും ട്രോഫിയും സമ്മാനിച്ചു. ഖമിസ് ഗവർണറേറ്റ് അണ്ടർ സെക്രട്ടറി സാഅദ് അഹമ്മദ് അൽ ഷഹ്റാനി മുഖ്യാതിഥിയായി പങ്കെടുത്തു സമ്മാനങ്ങൾ വിതരണം ചെയ്തു.
മത്സരത്തിന്റെ വിജയകരമായ നടത്തിപ്പിനായി അനുമതിയും പിന്തുണയും നൽകിയ അസീർ ഗവർണർ ഹിസ്ഹൈനെസ് പ്രിൻസ് തുർക്കി ബിൻ തലാൽ, സൗദി ഭരണാധികാരികളായ കിംഗ് സൽമാൻ, ക്രൗൺ പ്രിൻസ് മുഹമ്മദ് ബിൻ സൽമാൻ എന്നിവർക്ക് കെപിഎൽ ചെയർ മാൻ അഷ്റഫ് കുറ്റിച്ചൽ നന്ദി അറിയിച്ചു. ഗവർണറേറ്റിൽ നിന്നും 20 ബസ്സുകൾ, മുഴുവൻ സെക്യൂരിറ്റി ഫോഴ്സസിന്റെ സഹായം, റെഡ് ക്രെസന്റ് സഹായം എന്നിവയും ടൂർണമെന്റിനായി അനുവദി ച്ചിരുന്നു.
പരിപാടിയുടെ വിജയകരമായ നടത്തിപ്പിന് KPL ലീഗ് പ്രസിഡന്റ് പ്യാരി തോപ്പിൽ, ജനറൽ സെക്രട്ടറി ഷബീർ, പ്രമോജ് ചടയമംഗലം, ട്രഷറർ മുഹമ്മദ് താരിഷ്, സോജൻ, ലുക്മാൻ, സാദിഖ്, അലി, ജിതിൻ എന്നിവർ നേതൃത്വം നൽകി. കൂടാതെ ഇന്ത്യൻ കോൺസുലേറ്റ് ജനറൽ, ജിദ്ദയുടെ സഹകരണവും പിന്തുണയും സംഘാടകർ പ്രത്യേകം സ്മരിച്ചു.അസീർ മേഖലയിലെ ഇന്ത്യൻ സമൂഹത്തിന്റെ ഐക്യവും കായികമനോഭാവവും പ്രതിഫലിച്ച ഖമിസ് പ്രീമിയർ ലീഗ് വിജയക രമായി സമാപിച്ചതോടെ അടുത്ത സീസണിനായുള്ള ഒരുക്കങ്ങൾ തുടങ്ങി.