യുഎഇയിൽ വിൽപത്രം രജിസ്റ്റർ ചെയ്യേണ്ടത് എന്തുകൊണ്ട്? പ്രവാസികൾ അറിഞ്ഞിരിക്കേണ്ട പുതിയ നിയമങ്ങളും മാറ്റങ്ങളും

യുഎഇയിലെ പ്രവാസികൾ ഉൾപ്പെടെയുള്ള താമസക്കാർ വിൽപത്രങ്ങൾ എഴുതി രജിസ്റ്റർ ചെയ്യണമെന്ന് നിയമവിദഗ്ധർ. രാജ്യത്തെ സിവിൽ ഇടപാട് നിയമങ്ങളിൽ (Civil Transactions Law) അടുത്തിടെ വരുത്തിയ പരിഷ്കാരങ്ങളുടെ പശ്ചാത്തല ത്തിലാണ് ഈ നിർദ്ദേശം.യുഎഇയിൽ സ്വത്തുക്കളുള്ള പ്രവാസികൾ ഒരു വിൽപത്രം തയ്യാറാക്കുന്നത് കേവലം വസ്തുവകകൾക്ക് വേണ്ടി മാത്രമല്ല, മറിച്ച് ബാങ്ക് അക്കൗ ണ്ടുകൾ, സ്വർണം, വാഹനങ്ങൾ, നിക്ഷേപങ്ങൾ എന്നിവയുടെ സുരക്ഷിതത്വത്തിനും ഏറ്റവും പ്രധാനമായി മക്കളുടെ സംരക്ഷണത്തിനും (Guardianship) അത്യന്താപേക്ഷിതമാണെന്ന് വിദഗ്ധർ ചൂണ്ടിക്കാട്ടുന്നു.
വിൽപത്രം ഇല്ലെങ്കിൽ എന്ത് സംഭവിക്കും?
യുഎഇ നിയമപ്രകാരം, വിൽപത്രം ഇല്ലാതെ ഒരാൾ മരണപ്പെട്ടാൽ സംഭവിക്കാവുന്ന പ്രധാന കാര്യങ്ങൾ ഇവയാണ്:
* ബാങ്ക് അക്കൗണ്ടുകൾ മരവിപ്പിക്കും: ജോയിന്റ് അക്കൗ ണ്ടുകൾ ഉൾപ്പെടെയുള്ളവ കോടതി ഉത്തരവ് വരുന്നത് വരെ മരവിപ്പി ക്കപ്പെടും. ബാധ്യതകൾ തീർപ്പാ ക്കുന്നത് വരെ ആഴ്ചകളോ മാസങ്ങളോ ഈ പ്രക്രിയ നീണ്ടു നിൽക്കാം.
* സ്വത്ത് വിഭജനം: മുസ്ലിം ഇതര വിഭാഗത്തിൽപ്പെട്ടവർ വിൽപത്രം കരുതിയിട്ടില്ലെങ്കിൽ, നിലവിലെ നിയമപ്രകാരം സ്വത്ത് പങ്കാളിക്കും കുട്ടികൾക്കുമായി തുല്യമായി വിഭജിക്കും. അവകാശികൾ ഇല്ലാത്ത പക്ഷം സ്വത്ത് ജീവകാ രുണ്യ പ്രവർത്തനങ്ങൾക്കായി മാറ്റിവെക്കും.
* മക്കളുടെ സംരക്ഷണം: പ്രായപൂർത്തിയാകാത്ത കുട്ടിക ളുടെ കാര്യത്തിൽ കോടതിയാ യിരിക്കും തീരുമാനമെടുക്കുക. ഇത് പലപ്പോഴും മാതാപിതാക്കളുടെ ആഗ്രഹത്തിന് വിരുദ്ധമായേക്കാം.
എവിടെ രജിസ്റ്റർ ചെയ്യാം?
യുഎഇയിൽ പ്രധാനമായും മൂന്ന് വഴികളിലൂടെ വിൽപത്രം രജിസ്റ്റർ ചെയ്യാം:
* ഡിഐഎഫ്‌സി വിൽസ് സർവീസ് സെന്റർ (DIFC): മുസ്ലിം ഇതര വിഭാഗക്കാർക്കായി ഇംഗ്ലീഷ് കോമൺ ലോ മാതൃകയിലുള്ള സംവിധാനം.
* അബുദാബി ജുഡീഷ്യൽ ഡിപ്പാർട്ട്‌മെന്റ് (ADJD): ഡിജിറ്റൽ സംവിധാനത്തിലൂടെ യുഎഇയി ലുടനീളം പ്രാബല്യമുള്ള രജിസ്‌ ട്രേഷൻ.
* ദുബായ് കോടതി നോട്ടറി സിസ്റ്റം: അറബിക് അല്ലെങ്കിൽ ബഹുഭാഷാ സംവിധാനം. ഇത് താരതമ്യേന ചിലവ് കുറഞ്ഞ രീതിയാണ്.
ശ്രദ്ധിക്കേണ്ട കാര്യങ്ങൾ
വിദേശ രാജ്യങ്ങളിൽ തയ്യാറാക്കിയ വിൽപത്രങ്ങൾ യുഎഇയിൽ നടപ്പിലാക്കുന്നത് സങ്കീർണ്ണവും ചിലവേറിയതുമാണ്. അവ നിയമപരമായി സാക്ഷ്യപ്പെടു ത്താനും വിവർത്തനം ചെയ്യാനും ഒട്ടേറെ സമയം ആവശ്യമായി വരും. അതിനാൽ യുഎഇയിൽ തന്നെ വിൽപത്രം രജിസ്റ്റർ ചെയ്യുന്നതാണ് ഉചിതം.
മുസ്ലിം താമസക്കാർക്ക് ശരീഅത്ത് നിയമപ്രകാരമുള്ള വിൽപത്ര ങ്ങളാണ് ബാധകം. മറ്റ് മതസ്ഥർക്ക് അവരുടെ സ്വന്തം രാജ്യത്തെ നിയമമോ യുഎഇയിലെ സിവിൽ വ്യക്തിനിയമമോ തിരഞ്ഞെ ടു ക്കാൻ അവകാശമുണ്ട്.