യാത്രക്കാരല്ലെങ്കിലും ഇനി എയർപോർട്ട് കാണാം; സായിദ് ഇന്റർനാഷണൽ എയർപോർട്ടിൽ പൊതുജനങ്ങൾക്ക് പ്രവേശനം

അബുദാബി: വിമാന ടിക്കറ്റോ ബോർഡിംഗ് പാസോ ഇല്ലാതെ തന്നെ അബുദാബിയിലെ സായിദ് ഇന്റർനാഷണൽ എയർപോർട്ടിന്റെ (AUH) അത്യാധുനിക സൗകര്യങ്ങൾ നേരിട്ട് അനുഭവിക്കാൻ പൊതുജ നങ്ങൾക്ക് അവസരം. എട്ട് ആഴ്ച നീണ്ടുനിൽക്കുന്ന പ്രത്യേക ക്യാമ്പ യിനിലൂടെ യുഎഇ പൗരന്മാർക്കും താമസക്കാർ ക്കുമാണ് ഈ അപൂർവ്വ അവസരം ഒരുക്കിയിരി ക്കുന്നത്.ഈ പദ്ധതിയുടെ പ്രധാന വിവരങ്ങൾ താഴെ പറയുന്നവ യാണ്:
പ്രവേശന രീതി
* യാത്രക്കാരല്ലാത്തവർക്കും എയർ പോർട്ടിലെ ഷോപ്പിംഗ്, ഡൈനിംഗ് സൗകര്യങ്ങൾ ആസ്വദിക്കാം.
* സന്ദർശകർ ഓൺലൈനായി മുൻകൂട്ടി രജിസ്റ്റർ ചെയ്യേണ്ടതുണ്ട്.
* രജിസ്റ്റർ ചെയ്തവർക്ക് ലഭിക്കുന്ന ഡിജിറ്റൽ പാസ് (QR കോഡ്) എയർപോർട്ട് പ്രവേശന കവാട ത്തിലും മറ്റ് നിയുക്ത സ്ഥലങ്ങ ളിലും കാണിക്കണം.
നിബന്ധനകൾ
*രേഖകൾ: സന്ദർശന വേളയിൽ എമിറേറ്റ്സ് ഐഡി കൈവശം വെക്കണം.
*ഇലക്ട്രോണിക് ഉപകരണങ്ങൾ: സുരക്ഷാ കാരണങ്ങളാൽ ലാപ്‌ടോപ്പുകൾ, ടാബ്‌ലെറ്റുകൾ എന്നിവ എയർപോർട്ടിനുള്ളിലേക്ക് കൊണ്ടുപോകാൻ അനുവാദമില്ല.
*പ്രായപരിധി: 18 വയസ്സിൽ താഴെ യുള്ളവർ മുതിർന്നവരുടെ കൂടെ മാത്രമേ പ്രവേശിക്കാവൂ.
*മദ്യം, പുകയില ഉൽപ്പന്നങ്ങൾ: ഇവ വാങ്ങുന്നതിന് ബോർഡിംഗ് പാസ് നിർബന്ധമാണ്. അതിനാൽ ഈ സന്ദർശകർക്ക് ഇവ ലഭ്യമാകില്ല.
പാർക്കിംഗ് ആനുകൂല്യം
എയർപോർട്ടിലെ റീട്ടെയിൽ ഔട്ട്‌ ലെറ്റുകളിലോ  റെസ്റ്റോറന്റുകളിലോ   കുറഞ്ഞത് 200 ദിർഹം ചിലവാക്കു ന്നവർക്ക് 4 മണിക്കൂർ സൗജന്യ പാർക്കിംഗ് ലഭിക്കും. 200 ദിർഹ ത്തിൽ താഴെയാണ് ചിലവഴിക്കു ന്നതെങ്കിൽ സാധാരണ പാർക്കിംഗ് നിരക്ക് നൽകേണ്ടി വരും. പണമടയ്ക്കാൻ കാർഡ് മാത്രമേ സ്വീകരിക്കുകയുള്ളൂ.
സമയം മാറ്റാൻ
ബുക്ക് ചെയ്ത സമയത്തിൽ മാറ്റം വരുത്തണമെങ്കിൽ അതേ ദിവസം തന്നെ +97128055555 എന്ന നമ്പറിൽ വിളിച്ച് അറിയിക്കണം. പുതിയ ആക്സസ് പാസ് ലഭിച്ചാൽ മാത്രമേ പ്രവേശനം അനുവദിക്കൂ.
യാത്ര ചെയ്യാനിരിക്കുന്നവർക്ക് മാത്രമായി പരിമിതപ്പെടുത്തി യിരുന്ന എയർപോർട്ട് കാഴ്ചകൾ ഇനി സാധാരണക്കാർക്കും ഒരു ആഘോഷമാക്കാം എന്നതാണ് ഈ പദ്ധതിയുടെ ലക്ഷ്യം.