ദുബായ്:-ഹിജ്റ പുതുവത്സര അവധി: ദുബായിൽ ആർ.ടി.എ (RTA) സർവീസ് സമയങ്ങളിൽ മാറ്റം; അബുദാബിയിലേക്കുള്ള പ്രധാന ബസ് സർവീസ് താൽക്കാ ലികമായി നിർത്തിവെച്ചു.ദുബായ് റോഡ്സ് ആൻഡ് ട്രാൻസ്പോർട്ട് അതോറിറ്റി (RTA) ജൂൺ 15 തിങ്കളാഴ്ചത്തെ ഹിജ്റ വൽസര (ഇസ്ലാമിക് പുതുവർഷം – 1448) അവധി പ്രമാണിച്ചുള്ള പുതുക്കിയ സർവീസ് സമയങ്ങൾ പ്രഖ്യാപിച്ചു.
കസ്റ്റമർ ഹാപ്പിനസ് കേന്ദ്രങ്ങൾ
തിങ്കളാഴ്ച ദുബായിലെ എല്ലാ ആർ.ടി.എ കസ്റ്റമർ ഹാപ്പിനസ് സെന്ററുകളും അടഞ്ഞുകിടക്കും. എന്നാൽ ഉം റമൂലിലെ (Umm Ramool) കസ്റ്റമർ ഹാപ്പിനസ് സെന്ററും, കൂടാതെ ദേര, അൽ ബർഷ, അൽ തവാർ, അൽ കിഫാഫ്, ആർ.ടി.എ ഹെഡ്ക്വാർ ട്ടേഴ്സ് എന്നിവിടങ്ങളിലെ സ്മാർട്ട് കിയോസ്കുകളും പതിവുപോലെ 24 മണിക്കൂറും പ്രവർത്തിക്കുന്ന തായിരിക്കും. തിങ്കളാഴ്ച വാഹന പരിശോധനാ കേന്ദ്രങ്ങൾക്കും (Vehicle Testing Centres) അവധി യായിരിക്കും.
മെട്രോ, ട്രാം സർവീസുകൾ
ദുബായ്മെട്രോ: റെഡ്, ഗ്രീൻ ലൈനുകൾ തിങ്കളാഴ്ച പുലർച്ചെ 5:00 മണി മുതൽ അർദ്ധരാത്രി 12:00 മണി വരെ സർവീസ് നടത്തും.
ദുബായ്ട്രാം: രാവിലെ 6:00 മണി മുതൽ പിറ്റേന്ന് പുലർച്ചെ 1:00 മണി വരെ സർവീസ് ലഭ്യമായിരിക്കും.
പൊതുബസ് സർവീസുകൾ
പൊതുബസുകൾ ഉപയോഗിക്കുന്ന യാത്രക്കാർ പുതുക്കിയ സമയവി വരങ്ങൾ അറിയാൻ ‘S’hail’ ആപ്പ് പരിശോധിക്കേണ്ടതാണ്.
പ്രത്യേക അറിയിപ്പ്: അൽ ഗുബൈബ ബസ് സ്റ്റേഷനിൽ നിന്ന് അബുദാബിയിലേക്ക് സർവീസ് നടത്തുന്ന E100 ബസ് റൂട്ട് ജൂൺ 13 മുതൽ 15 വരെ താൽക്കാലികമായി നിർത്തിവെച്ചിരിക്കുന്നു. ഈ ദിവസങ്ങളിൽ അബുദാബി യിലേക്ക് യാത്ര ചെയ്യേണ്ടവർ ഇബ്ൻ ബത്തൂത്ത (Ibn Battuta) ബസ് സ്റ്റേഷനിൽ നിന്നുള്ള E101 റൂട്ട് ഉപയോഗിക്കേണ്ടതാണ്.
കടത്തുബോട്ട് സർവീസുകൾ (MarineTransport)
അവധി ദിവസങ്ങളിലും മറൈൻ ട്രാൻസ്പോർട്ട് സർവീസുകൾ ലഭ്യമായിരിക്കും. പുതുക്കിയ സമയവിവരങ്ങൾ ആർ.ടി.എയുടെ ഔദ്യോഗിക ചാനലുകൾ വഴി വായനക്കാർക്ക് ലഭ്യമാണ്.
എന്താണ് ഹിജ്റ പുതുവത്സരം?
ഇസ്ലാമിക് കലണ്ടറിലെ പുതുവർ ഷത്തിന്റെ തുടക്കത്തെയാണ് ഹിജ്റ പുതുവത്സരമായി കണക്കാ ക്കുന്നത്. യു.എ.ഇയിലുടനീളം ഇതിനോടനുബന്ധിച്ച് പൊതുഅവധി പ്രഖ്യാപിച്ചിട്ടുണ്ട്. യാത്രാതടസ്സങ്ങൾ ഒഴിവാക്കാനായി യാത്രക്കാർ മുൻകൂട്ടി പ്ലാൻ ചെയ്യണമെന്നും സമയവിവരങ്ങൾ പരിശോധിക്കണമെന്നും ആർ.ടി.എ നിർദ്ദേശിച്ചു.
