ദുബായ്: ദുബായ് നഗരത്തെ ഭാവി യുടെ നഗരമാക്കി മാറ്റുന്നതിനായി, ദുബായ് മുനിസിപ്പാലിറ്റിയുടെ അധികാരപരിധിയും ചുമതലകളും വ്യക്തമാക്കിക്കൊണ്ട് യു.ഇ.ഇ വൈസ് പ്രസിഡന്റും പ്രധാന മന്ത്രിയും ദുബായ് ഭരണാധികാരി യുമായ ഹിസ് ഹൈനസ് ശൈഖ് മുഹമ്മദ് ബിൻ റാഷിദ് അൽ മക്തൂം പുതിയ നിയമം പുറത്തിറക്കി.
സാമ്പത്തിക വളർച്ചയെ പിന്തുണയ്ക്കുകയും ദുബായുടെ നഗര സൗന്ദര്യം വർദ്ധിപ്പിക്കുകയും ചെയ്യുന്ന സമഗ്രവും സുസ്ഥിര വുമായ നഗരാസൂത്രണ സംവിധാനം വികസിപ്പിക്കുക എന്നതാണ് ഈ നിയമത്തിലൂടെ ദുബായ് മുനിസിപ്പാലിറ്റിക്ക് നൽകിയിരിക്കുന്ന പ്രധാന ചുമതല. കൂടാതെ, അത്യാധുനിക സാങ്കേതികവിദ്യകളും നൂതന പരിഹാരങ്ങളും സ്വീകരിച്ചുകൊണ്ട് നിർമ്മാണ മേഖലയെ കൂടുതൽ മുന്നോട്ട് നയിക്കാനും മുനിസി പ്പാലിറ്റി ലക്ഷ്യമിടുന്നു.
സ്മാർട്ടും സമഗ്രവുമായ സംവിധാ നത്തിലൂടെ പൊതുജനാരോഗ്യവും ഭക്ഷ്യസുരക്ഷയും ഉറപ്പാക്കാനും, വിഭവങ്ങളുടെ കാര്യക്ഷമമായ ഉപയോഗത്തിനായി സമഗ്രമായ മാലിന്യ സംസ്കരണ സംവിധാനം ശക്തിപ്പെടുത്താനും നിയമത്തിൽ വ്യവസ്ഥ ചെയ്യുന്നുണ്ട്. പൊതു-സ്വകാര്യ പങ്കാളിത്തം പ്രോത്സാഹി പ്പിക്കാനും പുതിയ സാമ്പത്തിക അവസരങ്ങൾ സൃഷ്ടിക്കാനും മുനിസിപ്പാലിറ്റി മുൻകൈയെടു ക്കും. ദുബായ് ഇന്റർനാഷണൽ ഫിനാൻഷ്യൽ സെന്റർ (DIFC) ഉൾപ്പെടെയുള്ള പ്രത്യേക വികസന മേഖലകളിലും ഫ്രീ സോണുകളിലും നിലവിലുള്ള നിയമങ്ങൾക്ക് വിധേയമായി മുനിസിപ്പാലിറ്റി പ്രവർത്തിക്കുമെന്നും നിയമം വ്യക്തമാക്കുന്നു.
ഡയറക്ടർ ജനറൽ, എക്സിക്യൂ ട്ടീവ് ഡയറക്ടർമാർ, മറ്റ് ഭരണ-സാങ്കേതിക ജീവനക്കാർ എന്നിവരടങ്ങുന്നതാണ് ദുബായ് മുനിസിപ്പാലിറ്റിയുടെ എക്സിക്യൂ ട്ടീവ് ബോഡി. ദുബായ് ഭരണാധി കാരിയുടെ പ്രത്യേക ഉത്തരവിലൂടെ നിയമിക്കപ്പെടുന്ന ഡയറക്ടർ ജനറൽ, ദുബായ് എക്സിക്യൂട്ടീവ് കൗൺസിലിനോട് നേരിട്ട് കണക്കുപറയാൻ ബാധ്യസ്ഥനാണ്. ഗവൺമെന്റ് അക്കൗണ്ടിംഗ് മാനദണ്ഡങ്ങൾക്ക് വിധേയമായി മുനിസിപ്പാലിറ്റിയുടെ സാമ്പത്തിക സ്രോതസ്സുകളും അക്കൗണ്ടുകളും ഈ നിയമം നിയന്ത്രിക്കുന്നു.ഈ നിയമം ഔദ്യോഗിക ഗെസറ്റിൽ പ്രസിദ്ധീകരിക്കുന്ന തീയതി മുതൽ പ്രാബല്യത്തിൽ വരുമെന്ന് ഔദ്യോ ഗിക അറിയിപ്പിൽ വ്യക്തമാക്കുന്നു.
