ദുബായ്: ഈ വേനലവധി ക്കാലത്ത് യുഎഇയിൽ നിന്ന് വിദേശങ്ങളി ലേക്ക് യാത്ര ചെയ്യാൻ പദ്ധതിയി ടുന്നവർക്കായി പ്രധാന മുന്നറിയി പ്പുകളും ഉപദേശങ്ങളു മായി പ്രമുഖ എയർലൈനുകൾ. സമീപകാലത്തെ പ്രതിസന്ധി കൾക്ക് ശേഷം യുഎഇയിലെ വിമാനത്താവളങ്ങളുടെ പ്രവർ ത്തനം സാധാരണ നിലയിലായെ ങ്കിലും, വേനൽക്കാലത്തെ കനത്ത തിരക്ക് പ്രമാണിച്ച് മുൻകൂട്ടി തയ്യാറെടുപ്പുകൾ നടത്തണമെന്ന് വിമാനക്കമ്പനികൾ യാത്രക്കാരോട് അഭ്യർത്ഥിച്ചു.അതേസമയം, പ്രമുഖ വിദേശ എയർലൈനുകളിൽ പലതും ദുബായിലേക്കുള്ള സർവീസുകൾ പുനരാരംഭിക്കുന്നത് വരും മാസങ്ങളിലേക്ക് നീട്ടിയിട്ടുണ്ട്.
എമിറേറ്റ്സ് (Emirates): അറിയേണ്ട പ്രധാന കാര്യങ്ങൾ
വേനൽക്കാല തിരക്ക് കണക്കിലെ ടുത്ത് ദുബായ് ഇന്റർനാഷണൽ എയർപോർട്ടിൽ (DXB) കുറഞ്ഞത് 3 മണിക്കൂർ മുമ്പെങ്കിലും എത്തണമെന്ന് എമിറേറ്റ്സ് നിർദ്ദേശിക്കുന്നു.
- എളുപ്പത്തിൽ ചെക്ക്-ഇൻ ചെയ്യാം: യാത്രയുടെ രണ്ടു ദിവസം മുമ്പ് തന്നെ ഓൺലൈൻ വഴി ചെക്ക്-ഇൻ ചെയ്യാനും, എയർപോർട്ടിൽ സ്മാർട്ട് ഗേറ്റുകൾ വേഗത്തിൽ ഉപയോഗിക്കുന്നതിനായി ബയോമെട്രിക്സ് റജിസ്ട്രേഷൻ നടത്താനും എയർലൈൻ നിർദ്ദേശിക്കുന്നു.
- സിറ്റി ചെക്ക്-ഇൻ സൗകര്യം: യാത്രയ്ക്ക് 4 മുതൽ 24 മണിക്കൂർ വരെ മുമ്പ് ഡി.ഐ.എഫ്.സി (DIFC) അല്ലെങ്കിൽ അജ്മാൻ സെൻട്രൽ ബസ് ടെർമിനലിൽ ലഗേജ് ഏൽപ്പിച്ച് ചെക്ക്-ഇൻ പൂർത്തിയാക്കാം.
- ഹോം ചെക്ക്-ഇൻ: ഫസ്റ്റ് ക്ലാസ് യാത്രക്കാർക്കും പ്ലാറ്റിനം സ്കൈവാർഡ്സ് അംഗങ്ങൾക്കും വീട്ടിൽ നിന്നോ ഓഫീസിൽ നിന്നോ ലഗേജ് എടുത്തു നൽകുന്ന സൗജന്യ സേവനം ലഭ്യമാണ്.
- പവർ ബാങ്ക് നിയന്ത്രണം: നിരോധിത വസ്തുക്കൾ (പ്രത്യേകിച്ച് പവർ ബാങ്കുകൾ) കൈവശം വെയ്ക്കരുതെന്നും സ്മാർട്ട് ബാഗുകളുടെ ബാറ്ററി അഴിച്ചുമാറ്റാൻ സാധിക്കുന്നവ ആയിരിക്കണമെന്നും മുന്നറിയിപ്പുണ്ട്.
- മെട്രോ ഉപയോഗിക്കാം: റോഡിലെ ഗതാഗതക്കുരുക്ക് ഒഴിവാക്കാൻ യാത്രക്കാർ ടെർമിനൽ 3-ലേക്ക് ദുബായ് മെട്രോ ഉപയോഗിക്കുന്നത് അഭികാമ്യമാണ്.
ഫ്ലൈദുബായ് (flydubai): പ്രധാന വിവരങ്ങൾ
കനത്ത തിരക്ക് അനുഭവപ്പെടാൻ സാധ്യതയുള്ളതിനാൽ ഫ്ലൈദുബായ് യാത്രക്കാർ വിമാനം പുറപ്പെടുന്നതിന് 4 മണിക്കൂർ മുമ്പെങ്കിലും എയർപോർട്ടിൽ എത്തണം.
- വിമാനം പുറപ്പെടുന്നതിന് 60 മിനിറ്റ് മുമ്പ് ചെക്ക്-ഇൻ കൗണ്ടറുകൾ അടയ്ക്കും.
- 48 മണിക്കൂർ മുതൽ 75 മിനിറ്റ് വരെ മുമ്പ് ഓൺലൈൻ ചെക്ക്-ഇൻ നടത്താം. ഷാർജയിലെ സിറ്റി ചെക്ക്-ഇൻ സേവനവും ലഭ്യമാണ്.
- ടെർമിനൽ 2-ലെ സെൽഫ് സർവീസ് കിയോസ്കുകൾ വഴി ലഗേജ് ടാഗുകൾ പ്രിന്റ് ചെയ്ത് സമയലാഭം ഉണ്ടാക്കാം.
- യാത്ര റദ്ദാക്കേണ്ടി വന്നാൽ മുഴുവൻ തുകയും റീഫണ്ടായോ അല്ലെങ്കിൽ വാഗ്ദാന കൂപ്പണായോ (Voucher) തിരികെ ലഭിക്കും. യാത്ര തീയതി 10 ദിവസത്തേക്ക് മാറ്റാനും അവസരമുണ്ട്.
ഇത്തിഹാദ് എയർവേയ്സ് (Etihad)
അബുദാബി സായിദ് ഇന്റർനാഷ ണൽ എയർപോർട്ടിൽ നിന്ന് ഇത്തിഹാദ് എയർവേയ്സ് സാധാരണ നിലയിൽ സർവീ സുകൾ നടത്തുന്നുണ്ട്. കണക്റ്റിംഗ് വിമാനങ്ങൾ വൈകുകയോ റദ്ദാക്കുകയോ ചെയ്താൽ ബദൽ യാത്രാ സൗകര്യങ്ങളെക്കുറിച്ച് എയർലൈൻ നേരിട്ട് യാത്രക്കാരെ ഇമെയിൽ വഴി അറിയിക്കും.
ഉപഭോക്തൃ അവകാശങ്ങൾ സംരക്ഷിക്കാൻ പുതിയ നിയമം
ദുബായ് സിവിൽ ഏവിയേഷൻ അതോറിറ്റി യാത്രക്കാരുടെ അവകാശങ്ങൾ സംരക്ഷിക്കുന്ന തിനായി പുതിയ മാർഗ്ഗനിർദ്ദേ ശങ്ങൾ പുറപ്പെടുവിച്ചിട്ടുണ്ട്. വിമാനങ്ങൾ വൈകൽ, റദ്ദാക്കൽ, ബോർഡിംഗ് നിഷേധിക്കൽ, ലഗേജുകൾ നഷ്ടപ്പെടൽ എന്നിവ ഉണ്ടായാൽ യാത്രക്കാർക്ക് ലഭിക്കേണ്ട നഷ്ടപരിഹാരവും പിന്തുണയും ഉറപ്പാക്കുന്നതാണ് ഈ നിയമം.
വിദേശ എയർലൈനുകൾ ദുബായിലേക്ക് എന്ന് തിരിച്ചെത്തും?
പ്രധാന വിദേശ എയർലൈനുകൾ ദുബായിലേക്കുള്ള സർവീസുകൾ പുനരാരംഭിക്കാൻ നിശ്ചയിച്ച രിക്കുന്ന തീയതികൾ താഴെ നൽകുന്നു:
- എയർ ഫ്രാൻസ് (Air France): ജൂലൈ 22
- കെ.എൽ.എം (KLM): ഓഗസ്റ്റ് 23
- എജിയൻ എയർലൈൻസ് (Aegean Airlines): ഓഗസ്റ്റ് 31
- കഥേ പസിഫിക് (Cathay Pacific): സെപ്റ്റംബർ 1
- ബ്രിട്ടീഷ് എയർവേയ്സ് (British Airways): ഒക്ടോബർ 25
- ലുഫ്ത്താൻസ, എയർ കാനഡ, ഫിൻഎയർ, സിംഗപ്പൂർ എയർലൈൻസ്, സ്വിസ് (SWISS): ഒക്ടോബർ അവസാന വാരത്തോടെ സർവീസുകൾ പൂർണ്ണമായി പുനരാരംഭിക്കും
