യാത്രാ ഇൻഷുറൻസ് രംഗത്ത് ചരിത്രപരമായ ചുവടുവെപ്പുമായി എമിറേറ്റ്സ്; യുദ്ധബാധിത മേഖലകളിലെ പരിക്കുകൾക്കും ഇനി മെഡിക്കൽ പരിരക്ഷ

ദുബായ്:-യാത്ര ഇൻഷുറൻസ് രംഗത്ത് നിലവിലുള്ള എല്ലാ പരിമിതികളും മറികടന്നുകൊണ്ട്, ലോകത്തിലെ ആദ്യത്തെ സമഗ്ര യാത്രാ ഇൻഷുറൻസ് (Comprehensive Travel Cover) പദ്ധതി ഔദ്യോഗികമായി ആരംഭിച്ച് എമിറേറ്റ്സ് എയർലൈൻ. ആഗോളതലത്തിൽ വർദ്ധിച്ചു വരുന്ന ഭൗമരാഷ്ട്രീയ പ്രതിസന്ധി കളും യുദ്ധസാഹചര്യങ്ങളും കണക്കിലെടുത്ത്, യാത്രക്കാർക്ക് പരമാവധി സുരക്ഷിതത്വം ഉറപ്പാക്കുക എന്ന ലക്ഷ്യത്തോടെ യാണ് ഈ അത്യാധുനിക ഇൻഷു റൻസ് ഉൽപ്പന്നം എമിറേറ്റ്സ് അവതരിപ്പിച്ചിരിക്കുന്നത്.
ആഗോള ഇൻഷുറൻസ് ഭീമനായ ‘ട്രാവൽ ഗാർഡുമായി’ (Travel Guard) സഹകരിച്ചാണ് ഈ പദ്ധതി നടപ്പിലാക്കുന്നത്. എമിറേറ്റ്സ് വെബ്‌സൈറ്റ് വഴി ടിക്കറ്റ് ബുക്ക് ചെയ്യുമ്പോഴോ, ‘മാനേജ് ബുക്കിംഗ്’ (Manage Booking) ഓപ്ഷൻ വഴിയോ യാത്രക്കാർക്ക് ഈ ഇൻഷുറൻസ് സ്വന്തമാക്കാവുന്ന താണ്.
യുദ്ധമേഖലകളിലും പരിരക്ഷ;  ഈഇൻഷുറൻസിന്റെ പ്രധാന സവിശേഷതകൾ:
സാധാരണയായി സർക്കാർ യാത്രാവിലക്കോ മുന്നറിയിപ്പുകളോ നൽകിയിട്ടുള്ള പ്രദേശങ്ങളിലെ അപകടങ്ങൾക്ക് പരമ്പരാഗത ഇൻഷുറൻസ് കമ്പനികൾ പരിരക്ഷ നൽകാറില്ല. എന്നാൽ എമിറേറ്റ്സിന്റെ പുതിയ ഇൻഷു റൻസ് ഇതിൽ നിന്നെല്ലാം വ്യത്യ സ്തമാണ്.
യുദ്ധമേഖലകളിലെ മെഡിക്കൽ പരിരക്ഷ:വിവിധ രാജ്യങ്ങളിലെ സർക്കാർ മുന്നറിയിപ്പുകൾ നിലനിൽക്കുന്ന യുദ്ധ/സംഘർഷ ബാധിത പ്രദേശങ്ങളിൽ വെച്ചുണ്ടാകുന്ന പരിക്കുകൾക്ക് 25,000 ഡോളർ (ഏകദേശം 20 ലക്ഷത്തിലധികം ഇന്ത്യൻ രൂപ) വരെയുള്ള മെഡിക്കൽ ചെലവുകൾ ഈ ഇൻഷുറൻസ് വഴി ലഭിക്കും. കൂടാതെ യാത്ര ക്കാർക്ക് 30 ദിവസം വരെ സൗജന്യ ട്രിപ്പ് എക്സ്റ്റൻഷനും ലഭിക്കുന്ന താണ്.
പരിധിയില്ലാത്ത മെഡിക്കൽ ചെലവുകൾ: ആഗോളതലത്തിൽ യാത്രയ്ക്കിടയിലുണ്ടാകുന്ന മറ്റ് മെഡിക്കൽ അടിയന്തിര ഘട്ടങ്ങൾക്കും അടിയന്തിരമായി നാട്ടിലെത്തിക്കുന്നതിനുമുള്ള (Emergency Evacuation) ചെലവുകൾക്ക് പരിധിയില്ലാത്ത കവറേജ് ലഭ്യമാകും.
യാത്ര റദ്ദാക്കലും ലഗേജ് നഷ്ടപ്പെടലും: യാത്രകൾ അപ്രതീക്ഷിതമായി റദ്ദാക്കേണ്ടി വരുമ്പോഴുണ്ടാകുന്ന നഷ്ട ങ്ങൾക്കും, ലഗേജുകൾ വൈകുകയോ നഷ്ടപ്പെടുകയോ ചെയ്യുന്നതിനും കൃത്യമായ നഷ്ടപരിഹാരം ലഭിക്കും.
എയർലൈൻ നേരിട്ട് നൽകുന്ന ഹോട്ടൽ താമസം: വ്യോമപാതകൾ അടയ്ക്കുന്നത് ഉൾപ്പെടെയുള്ള കടുത്ത യാത്രാ തടസ്സങ്ങൾ ഉണ്ടാകുമ്പോൾ, ഇൻഷുറൻസ് ആനുകൂല്യങ്ങൾക്ക് കാത്തു നിൽക്കാതെ എമിറേറ്റ്സ് എയർലൈൻ നേരിട്ട് യാത്ര ക്കാർക്ക് ഹോട്ടൽ താമസം ഉൾപ്പെടെയുള്ള സൌകര്യങ്ങൾ ഒരുക്കി നൽകും.
സൗജന്യ റീബുക്കിംഗ് സൗകര്യം: മറ്റ് എയർലൈനുകളിലേക്ക് കണക്റ്റിംഗ് ഫ്ലൈറ്റുകൾ ഉള്ളവർ ക്കോ, സംഘർഷം മൂലം എമിറേറ്റ്സ് സർവീസുകൾ മുടങ്ങുന്നവർക്കോ യാതൊരുവിധ അധികച്ചെലവു മില്ലാതെ ലക്ഷ്യസ്ഥാനത്ത് എത്തിക്കാനുള്ള റീബുക്കിംഗ് എമിറേറ്റ്സ് ഉറപ്പുനൽകുന്നു.
ഉപഭോക്താക്കളുടെ ആവശ്യ ങ്ങൾക്കൊപ്പം എമിറേറ്റ്സ്
യാത്രക്കാരുടെ ആവശ്യങ്ങൾ കണ്ടറിഞ്ഞാണ് ഈ പുതിയ ചുവടുവെപ്പെന്ന് എമിറേറ്റ്സ് എയർലൈൻ പ്രസിഡന്റ് സർ ടിം ക്ലാർക്ക് വ്യക്തമാക്കി. യാത്ര ചെയ്യാനുള്ള ജനങ്ങളുടെ ആഗ്രഹം ശക്തമാണെങ്കിലും ഇൻഷുറൻസ് രംഗത്ത് വലിയൊരു കുറവ് നിലനിന്നിരുന്നുവെന്നും, ട്രാവൽ ഗാർഡുമായി ചേർന്നുള്ള പുതിയ പദ്ധതിയിലൂടെ കൂടുതൽ സുരക്ഷിതവും സമഗ്രവുമായ യാത്രാനുഭവമാണ് എമിറേറ്റ്സ് സമ്മാനിക്കുന്നതെന്നും അദ്ദേഹം കൂട്ടിച്ചേർത്തു.
ഇന്നത്തെ കാലഘട്ടത്തിലെ യാത്രക്കാരുടെ ആവശ്യങ്ങൾക്ക് അനുയോജ്യമായ രീതിയിലാണ് ഈ ഇൻഷുറൻസ് രൂപകൽപ്പന ചെയ്തിട്ടുള്ളതെന്നും, ഇത് വ്യവസായ രംഗത്ത് ഒരു പുതിയ മാനദണ്ഡം കുറിക്കുമെന്നും ട്രാവൽ ഗാർഡ് ഗ്ലോബൽ ബിസിനസ് ഹെഡ് റസ്സൽ അന്റോണിയോ പറഞ്ഞു.നിലവിൽ യു.എ.ഇ, യുകെ, ജർമ്മനി, ഫ്രാൻസ്, കാനഡ, സിംഗപ്പൂർ എന്നിവയുൾപ്പെടെ ലോകത്തിലെ 26 പ്രധാന വിപണികളിലുള്ള താമസക്കാർക്ക് ഈ ഇൻഷുറൻസ് സൗകര്യം ലഭ്യമാണ്. വേനൽക്കാല യാത്രാ തിരക്ക് വർദ്ധിച്ചുവരുന്ന ഈ സാഹചര്യത്തിൽ, ദുബായ് വഴിയും ലോകത്തിന്റെ മറ്റ് കോണുകളി ലേക്കും യാത്ര ചെയ്യുന്നവർക്ക് ഏറ്റവും മികച്ച സുരക്ഷാ വലയമാണ് എമിറേറ്റ്സ് ഇതിലൂടെ ഒരുക്കുന്നത്.